Ubuntu Cymraeg

Golygwyd: Erbyn Ubuntu 7.10 does dim angen Automatix mewn gwirionedd gan fod Ubuntu'n cynnwys rhaglenni ei hun i wneud y gwaith. Dyw cymuned Ubuntu ddim yn hoff o Automatix gan ei fod yn gallu niweidio'r system!

Mae'r pecyn Ubuntu yn dod gyda meddalwedd rhydd yn unig sy'n golygu bod yn rhaid llwytho rhai pethau fel fformatau a codecs amlgyfrwng dy hun. Mae gan ddatblygwyr Ubuntu resymau cyfreithiol da dros beidio dosbarthu'r rhain yn rhan o'r pecyn, ond mae modd i ti eu llwytho'n hawdd iawn gyda meddalwedd Automatix.

Un o'r peth cyntaf mae llawer o ddefnyddwyr Ubuntu yn gwneud yw llwytho gyrrwyr y cwmni masnachol ar gyfer cerdyn graffeg. Dyw Ubuntu ddim yn dosbarthu rhain fel rhan o'r pecyn, ond maen nhw'n hawdd i'w llwytho drwy ddefnyddio rhaglen Envy. Mae llwytho gyrrwyr prif gardiau cwmniau NVIDIA ac ATI yn hawdd gyda'r meddalwedd hwn. Mae Ubuntu 7.04 yn cynnwys rhaglen i wneud hyn drosot ti, heb yr angen i ti lwytho Envy. Cer i System -> Gweinyddiaeth -> Restricted Drivers Manager.

Golygwyd: Erbyn 7.10 mae'r rhan fwyaf o ddatblygwyr Compiz a Beryl wedi dod at ei gilydd i greu Compiz Fusion.

Mae'r Penbwrdd 3D sy'n cael ei yrru gan feddalwedd fel Beryl neu Compiz yn cynnig ffenestri symudol, effeithiau fel ciwb 3 deimenswn, a degau o bethau eraill. Dyma lun o Beryl ar waith ar Ubuntu Cymraeg. O safbwynt cystadlu gyda Windows Vista mae Ubuntu ar y blaen yn y maes hwn ym marn nifer o bobl.