Ubuntu Cymraeg

Mae nifer o ragflenni gwahanol yn Ubuntu i chwarae ffrwd ar y we tebyg i un Radio Curiad. Dau o'r rhai mwyaf poblogaidd i wneud hyn yw Amarok a VLC. Mae cofnod eisoes am ddefnyddio Amarok, ac mae modd i ti lwytho VLC drwy ddefnyddio'r Rheolwr Pecynnau Synaptig. Dyma'r broses ar gyfer chwarae radio gwe, ac yn yr enghraifft hon byddaf yn chwarae ffrwd http://radio.curiad.org:8000/byw.m3u

Darllen gweddill fy mhost

Os wyt ti wedi gweld Google Earth ar waith ac eisiau llwytho hwn ar dy gyfrifiadur Ubuntu dilyn y cyfarwyddiadau hyn. Rwy'n mynd i ddefnyddio Cronfeydd Meddalwedd Ubuntu yn hytrach na phecyn o wefan Google, oherwydd bydd yn golygu bod Google Earth yn cael ei ddiweddaru'n gyson drwy Update Manager, a bod cefnogaeth cymuned Ubuntu (Medibuntu) i'r fersiwn rwyt ti'n defnyddio.

Darllen gweddill fy mhost

Os wyt ti'n gyfarwydd gyda rhaglenni fel iTunes i drefnu a chware cerddoriaeth byddi wrth dy fodd gyda rhaglen Amarok. Llwytha'r rhaglen drwy'r Rheolwr Pecynnau Synaptic ac yna cer ati i lwytho dy gasgliad cerddoriaeth i Amarok.

Wrth lwytho Amarok drwy synaptig efallai bydd Ubuntu yn gofyn i ti lwytho sgriptiau ychwanegol sydd angen i ddefnyddio'r rhaglen, yn enwedig os wyt ti'n defnyddio penbwrdd Gnome (rhaglen KDE yw Amarok).

Clicia ar y bawdlun i weld Amarok ar waith.

Rhaglen fach ddefnyddiol sydd yn y cronfeydd meddalwedd yn Ubuntu yw rhaglen Record My Desktop. Defnyddia'r Rheolwr Pecynnau Synaptic i lwytho'r rhaglen a'r rheolwr graffegol.

Wedyn cer i Rhaglenni-> Sain a Fideo -> gtk-recordMYDesktop i gychwyn recordio'r hyn sy'n digwydd ar y penbwrdd. Mae modd i ti ddewis recordio ffenest neu'r sgrin gyfan.

Wedi i ti orffen gallu di atal y recordiad drwy glicio ar y botwm sgwar yn y bar top.

Bydd ffeil o'r enw out.ogg yn ymddangos yn dy blygell cartref a gallu di chwarae neu olygu hon, neu ddefnyddio Mencoder i'w throsi ar gyfer ei llwytho ar YouTube.

Gweld Record My Desktop ar waith gyda gwefan gwyddbwyll.com ar YouTube. Wrth reswm bydd safon y ffeil fideo sydd gen ti ar dy gyfrifiadur yn llawer gwell na'r ffeil sydd wedi ei throsi ar gyfer YouTube.

Mae'r fersiwn newydd o Open Office (Cymraeg) Debian ac Ubuntu yn barod i lwytho yn y cronfeydd meddalwedd ar gyfer Ubuntu 8.04.

Er mwyn sicrhau bod y fersiwn Gymraeg ar dy system gwna'n siwr bod pecyn openoffice.org-|10n-cy wedi ei lwytho yn y Rheolwr Pecynnau Synaptic

Gwybodaeth bellach: Gwefan Gymraeg Open Office

Mae llawer o raglenni Linux yn creu a defnyddio ffeiliau fideo yn fformat ogg. Os wyt ti eisiau newid ffeil fideo o fformat ogg i fformat avi ar gyfer ei llwytho i youtube er enghraifft, mae modd gwneud hyn yn hawdd gyda Mencoder. I ddechrau gwna'n siwr bod mencoder wedi ei sefydlu ar dy system drwy agor y Rheolwr Pecynnau Synaptic, ac os nag yw yno chwilia amdano a'i lwytho.

Wedyn agor terfynell a theipio'r canlynol iddo:

mencoder ffeilfideo.ogg -o ffeilfideo.avi -oac mp3lame -ovc lavc

* ffeilfideo.ogg yw'r ffeil .ogg rwyt ti eisiau trosi
* ffeilfideo.avi yw'r ffeil .avi fydd yn cael ei chreu
* mp3lame yw'r codec sain (mp3 yn yr achos hwn)
* lavc yw'r codec fideo (libavcodec yn yr achos hwn)

A dyna ni - bydd ffeil .avi newydd yn dy gyfeiriadur cartref.

Y cyfarwyddiadau hyn ar ffurf fideo.

Y cyfarwyddiadau hyn ar YouTube.

Rhaglen fach syml a difyr yw rhaglen Conky sy'n helpu i gadw llygad ar dy system a gweld beth sy'n gwneud beth. Clicia ar y bawdlun i gael gweld hwn ar waith, a darllen mwy os wyt am wybod sut i lwytho hwn yn Ubuntu.

Darllen gweddill fy mhost

Wyt ti eisiau cadw copi o dy hoff ffeiliau YouTube ar dy gyfrifiadur? Neu beth am y fideo Sali Mali yna wnaeth ymddangos ar youtube am brynhawn!? Os wyt ti eisiau llwytho ffeiliau YouTube mae modd i ti wneud hynny yn Ubuntu (a systemau Linux eraill) gyda rhaglen youtube-dl.

Darllen gweddill fy mhost

Os wyt ti'n gweithio wrth deithio ac eisiau manteisio ar wasanaeth diwifr sy'n cael ei gynnig mewn gwahanol lefydd mae'n werth i ti lwytho Wi-fi Radar ar dy gliniadur. Mae'n declyn bach defnyddiol sy'n gwneud cyflunio diwifr yn hawdd.

Darllen gweddill fy mhost

Mae'r busnes newid i Ubuntu wedi achosi i mi drio gwneud rhywbeth gyda'r hen gyfrifiaduron sy wedi bod yn eistedd yn y cwt ers blynyddoedd.

Mae gen i hen gliniadur (Toshiba Satellite Pro CDT 450 133MHz gyda 32Mb o RAM), a hen focs ahysbys (700MHz gyda 128Mb o RAM). Dim digon o nerth gan y ddau i redeg Ubuntu.

Ar ôl tipyn o ymchwil ar y We, mi ddes i o hyd i Damn Small Linux. Mae'n reit hawdd i'w osod, ac mae'r cyfrifiaduron yn gweithio'n ffein. Mae 'na ddigon ohonyn nhw yn y tŷ rwan ar gyfer pob aelod o'r teulu a'r gath hefyd.

Y cam nesa' yw sefydlu rhwydwaith...