Wrth lwytho Amarok drwy synaptig efallai bydd Ubuntu yn gofyn i ti lwytho sgriptiau ychwanegol sydd angen i ddefnyddio'r rhaglen, yn enwedig os wyt ti'n defnyddio penbwrdd Gnome (rhaglen KDE yw Amarok).

Clicia ar y bawdlun i weld Amarok ar waith.

Comments

Bydd hwn yn fersiwn cefnogaeth tymor hir (LTS ), a bydd y fersiwn penbwrdd yn derbyn cefngaeth tan Ebrill 2001, a'r fersiwn gweinydd tan Ebrill 2013.

Llwytho Ubuntu 8.04  | CDs am ddim o Shipit | Prynu Ubuntu ar CD neu DVD

Comments

Wedyn cer i Rhaglenni-> Sain a Fideo -> gtk-recordMYDesktop i gychwyn recordio'r hyn sy'n digwydd ar y penbwrdd. Mae modd i ti ddewis recordio ffenest neu'r sgrin gyfan.

Wedi i ti orffen gallu di atal y recordiad drwy glicio ar y botwm sgwar yn y bar top.

Bydd ffeil o'r enw out.ogg yn ymddangos yn dy blygell cartref a gallu di chwarae neu olygu hon, neu ddefnyddio Mencoder i'w throsi ar gyfer ei llwytho ar YouTube.

Gweld Record My Desktop ar waith gyda gwefan gwyddbwyll.com ar YouTube. Wrth reswm bydd safon y ffeil fideo sydd gen ti ar dy gyfrifiadur yn llawer gwell na'r ffeil sydd wedi ei throsi ar gyfer YouTube.

Comments

Er mwyn sicrhau bod y fersiwn Gymraeg ar dy system gwna'n siwr bod pecyn openoffice.org-|10n-cy wedi ei lwytho yn y Rheolwr Pecynnau Synaptic

Gwybodaeth bellach: Gwefan Gymraeg Open Office

Comments

Un term sy'n cael ei ddefnyddio'n gyson ar fforymau ac mewn dogfennaeth Ubuntu yw "repository". Y term Cymraeg am hwn yw cronfa (neu storfa) ac mae'n cyfeirio at y miloedd o raglenni sydd ar gael i sefydlu ar system Ubuntu. Mae'r rhaglenni hyn yn cael eu storio mewn archifau meddalwedd (cronfeydd), ac maen nhw ar gael i sefydlu ar dy system dros y we. Mae hyn yn gwneud sefydlu meddalwedd newydd ar Ubuntu yn hawdd iawn drwy ddefnyddio'r Rheolwr Pecynnau Synaptic neu raglen Add/Remove Ubuntu. Mae hefyd yn ddiogel iawn gan fod y rhaglenni wedi cael eu profi'n drylwyr ar gyfer Ubuntu.

4 Math o gronfa

Mae cronfeydd meddalwedd Ubuntu wedi eu rhannu'n bedwar rhan, yn seiliedig ar faint o gefnogaeth sydd ar gael i'r meddalwedd, ac ydy'r meddalwedd yn cydymffurfio ag Athroniaeth Meddalwedd Rhydd Ubuntu. Y pedair cronfa yw:

Prif (Main) - meddalwedd sy'n derbyn cefnogaeth swyddogol gan Ubuntu
Cyfyngedig (Restricted) - meddalwedd sy'n cael ei gefnogi ond sydd ddim ar gael dan drwydded gwbwl rydd
Hollfyd (Universe) - sy'n cael ei gynnal gan y gymuned, hynny yw ddim yn derbyn cefnogaeth swyddogol
Amlfyd (Multiverse) - meddalwedd nad yw'n rhydd yn yr ystyr nad yw'n cyfateb i bolisi trwyddedu Ubuntu

Mae mwy o fanylion am y pedair math o gronfa ar gael ar wefan Ubuntu.

Defnyddio Cronfeydd Ubuntu

Mae pa feddalwedd sydd ar gael i lwytho ar dy gyfrifiadur Ubuntu di yn dibynnu'n gyfangwbwl ar ba gronfeydd rwyt ti wedi eu galluogi. Drwy fynd i System -> Gweinyddiaeth -> Software Sources gallu di weld beth sydd wedi ei alluogi ar dy system, ac ychwanegu cronfeydd eraill.

Fel y gweli o'r llun, mae'r cyfan wedi eu galluogi ar y cyfrifiadur hwn.

Mae'n llawer gwell llwytho meddalwedd drwy'r cronfeydd na llwytho pecyn lawr a'i sefydlu, gan dy fod yn derbyn diweddariadau cyson i'r meddalwedd drwy'r rheolwr diweddariadau.

Mae modd hefyd ychwanegu cronfa unigol ar gyfer meddalwedd penodol, ond testun ar gyfer postiad arall yw hwnnw.

Comments

Y Mac aeth gyntaf, wedyn y cyfrifiadur Vista, ac ar ddiwedd y tri diwrnod roedd y cyfrifiadur Ubuntu yn dal heb ei hacio.

Stori'n llawn: Fforwm Ubuntu   PC World

Comments

Wedyn agor terfynell a theipio'r canlynol iddo:

mencoder ffeilfideo.ogg -o ffeilfideo.avi -oac mp3lame -ovc lavc

* ffeilfideo.ogg yw'r ffeil .ogg rwyt ti eisiau trosi
* ffeilfideo.avi yw'r ffeil .avi fydd yn cael ei chreu
* mp3lame yw'r codec sain (mp3 yn yr achos hwn)
* lavc yw'r codec fideo (libavcodec yn yr achos hwn)

A dyna ni - bydd ffeil .avi newydd yn dy gyfeiriadur cartref.

Y cyfarwyddiadau hyn ar ffurf fideo.

Y cyfarwyddiadau hyn ar YouTube.

Comments

Mae 8.04 yn cynnwys nifer o bethau newydd i'r defnyddiwr, ac mae rhestr a disgrifiad o'r rhain ar gael ar wefan Ubuntu.

Gan mai fersiwn Beta o'r system weithredu yw'r un sydd ar gael ar hyn o bryd roeddwn yn disgwyl problemau mawr, ac eisiau cyfrannu at geisio adrodd unrhyw chwilod posib, yn enwedig gan mod i ar system amd 64-bit.

Serch hynny un broblem wnes i ei chanfod a llwyddwyd i ddatrys hon ar ôl ychydig o chwarae, a nawr mae'n gweithio'n wych.

Os nag wyt ti eisiau cyfrannu at ddatrys problemau mae'n werth aros tan i'r fersiwn orffenedig gael ei rhyddhau ar Ebrill 24 2008, ond wedi hynny mae'n bendant yn werth uwchraddio.

Comments

Agor y rheolwr pecynnau synaptig a defnyddia Chwilio i ddod o hyd i Conky.

Wedi i ti lwytho Conky gallu di ei weld ar waith drwy ddefnyddio terfynell a theipio conky. Dyw'r ffenest sy'n agor ddim yn edrych yn addawol ar hyn o bryd!

Mae'n bryd mynd ati i addasu ychydig ar hwn a'i wneud yn fwy deniadol. Y peth cyntaf sydd angen gwneud yw agor terfynell eto, teipio $ gedit /home/(dy enw)/.conkyrc a chopio'r cod yn y blwch fan hyn ar fforwm ubuntu i mewn i'r ffeil, a'i chadw. O ddechrau conky eto drwy derfynell gyda'r gorchymyn $ conky byddi'n gweld rhywbeth sy'n debycach i'r llun cyntaf yn y post hwn.

A nawr mae angen i ti wneud ychydig o waith addasu. Mae'r ffeil wnes i bostio ar fforwm Ubuntu yn cynnwys manylion fy system i, bydd angen i ti ddiddymu neu addasu'r darnau amherthnasol i ti.

Wedyn mae angen ychwanegu Conky at dy ddewisiadau cychwyn fel ei fod yn dechrau bob tro.

Mae hyn yn hawdd iawn i wneud. Cer i System -> Hoffterau -> Sesiynau a clicio ar Ychwanegu. Yn y blwch sy'n agor rho Conky yn y blwch cyntaf, conky yn y blwch canol, a Monitor System yn y blwch gwaelod. Mewn gwirionedd, dim ond bod y gorchymyn conky yn y blwch canol yn iawn, galli di roi beth wyt ti eisiau yn y ddau arall!

Nawr pan wnei di ail gychwyn dy system bydd conky yn rhedeg yn braf fel hyn!

ON Rwy wedi newid y cyfeiriad IP yn y sgrinlun gyda'r Gimp ar gyfer ei ddangos fan hyn. Mae llwyth o themau ayb ar gyfer Conky ar gael yn y drafodaeth ar fforwm Ubuntu.

Comments

Defnyddia'r Rheolwr Pecynnau Synaptic i chwilio am a llwytho youtube-dl.

Wedyn cer i You Tube, chwilio am y ffeil, a chopio'r cyfeiriad.

Wedi i ti wneud hyn, agor Terfynell, teipia youtube-dl a chyfeiriad y ffeil rwyt ti am ei chadw, pwysa dychwelyd ac aros i'r ffeil lwytho.

Bydd copi o'r ffeil yn cael ei chadw yn dy gyfeiriadur cartref, a gallu newid ei henw a'i ffeilio ble bynnag rwyt ti eisiau. Mae rhaglenni fel Totem yn chwarae ffeiliau .flv yn Linux.

Comments

Defnyddia'r Rheolwr Pecynnau Synaptic i chwilio am a llwytho Wi-fi Radar.

Wedi i ti gwblhau'r broses bydd modd i ti agor Wi-fi Radar yn Rhaglenni-> Rhyngrwyd

Mae'r pecyn yn rhestru'r gwasanaethau diwifr sydd ar gael, a galli di gysylltu ȃ'r rhain drwy ddilyn y cyfarwyddiadau yn y rhaglen.

Comments

Mae gen i hen gliniadur (Toshiba Satellite Pro CDT 450 133MHz gyda 32Mb o RAM), a hen focs ahysbys (700MHz gyda 128Mb o RAM). Dim digon o nerth gan y ddau i redeg Ubuntu.

Ar ôl tipyn o ymchwil ar y We, mi ddes i o hyd i Damn Small Linux. Mae'n reit hawdd i'w osod, ac mae'r cyfrifiaduron yn gweithio'n ffein. Mae 'na ddigon ohonyn nhw yn y tŷ rwan ar gyfer pob aelod o'r teulu a'r gath hefyd.

Y cam nesa' yw sefydlu rhwydwaith...

Comments

1 Llwytho meddalwedd ntfs-config
Agor y rheolwr pecynnau synaptig a defnyddia Chwilio i ddod o hyd i ntfs-config. Marcia hwn a chlicia Apply. Bydd y system yn nodi bod angen llwytho pecynnau dibynnol eraill, felly clicia Iawn i hyn.

2 Defnyddio meddalwedd ntfs-config
Nawr cer i Rhaglenni -> Offer System -> NTFS Configuration Tool, cyflwyna dy gyfrinair pan fydd yn gofyn am hynny, clicia Diddymu ar y sgrin gyntaf, a ticia'r blwch Enable write support for external device pan fydd yn gofyn.

3 Nodiadau
Mae'n bosib na fydd y sgrin gyntaf yn ymddangos i ti, mae'n dibynnu ar osodiadau dy system. Bu'n rhaid i mi ailgychwyn y cyfrifiadur i allu ysgrifennu i'r cof caled allanol.

Comments

ac un arall...

Comments

Comments

Mae JFW wedi symud yn gyfangwbl i ddefnyddio Ubuntu'n ddiweddar, ac yn defnyddio'r system ar gyfer pob math o waith. Bydd ei brofiad o ddefnyddio rhaglenni i drafod deunydd aml-gyfrwng gwahanol yn werthfawr iawn.

Mae croeso i unrhyw un arall sy'n defnyddio Ubuntu flogio ar y safle a rhannu eu profiadau ag eraill. Anfon neges drwy'r ffurflen gysylltu i wneud cais am gyfri.

Comments

Yr amcan yw creu system mor ddwyieithog (Cymraeg/Saesneg) â phosibl, ar gyfer croes-dorriad o ddefnyddwyr: minnau, fy mhartner (Dyw hi ddim yn 'techy'!), a'r bychan 5 oed.

Os bydd y bychan yn trin y system fel mae o'n trin ei degannau, bydd rhaid i'r meddalwell (a'r cyfrifiadur ei hunan) bod yn reit gryf..

Prawf da er mwyn asesu addasrwydd Ubuntu ar gyfer y byd go iawn.

Comments

Comments

I weld cynnwys cyfeiriadur gallu di bori'r system ffeiliau drwy fynd i Mannau -> Cyfrifiadur -> System Ffeiliau. Mae modd i ti hefyd ddefnyddio terfynell i symud o un man i'r llall gyda'r gorchymyn cd, ac yna rhestru cynnwys y cyfeiriadur gydag ls.

	/	Cyfeiriadur blaenslaes yw cyferiadur gwraidd Linux. Hwn yw'r cyfeiriadur uchaf, ac mae POPETH yn cychwyn o fan hyn. Pan fyddi'n teipio /bin, beth mae hynny'n golygu mewn gwirionedd yw cychwyn yn / a mynd i gyfeiriadur bin.
	/root	Dyma ble mae'r defnyddiwr gwraidd yn byw. Hwn yw duw dy system, a gall wneud unrhywbeth. Bydd yn ofalus os wyt ti'n defnyddio root. Mae'n llawer mwy diogel defnyddio sudo ar gyfer gweithredoedd sydd angen hawliau defnyddiwr gwraidd.
	/bin	Dyma ble mae rhaglenni Linux safonol sydd angen i redeg y system yn byw, pethau fel gunzip, chown, chmod ac ls. Daw enw'r ffolder o'r gair Saesneg binary oherwydd bod rhaglenni'n cael eu cadw yma.
	/etc	Yn /etc mae stwff gweinyddol a chyfluniad dy sytem. Os wyt ti'n llwytho rhaglen fel firefox ac eisiau newid y cyfluniad, yna bydd y ffeil mwy na thebyg yn /etc/firefox.
	/dev	Daw dev o'r gair Saesneg devices, ac yng nghyfeiriadur /dev mae'r ffeiliau sy'n rheoli dyfeisiau fel cd rom ayb.
	/home	Dyma ble mae dy ffeiliau di'n cael eu cadw. Dy blygell penbwrdd, ffeiliau cyfluniad sy'n benodol i ti, dy gerddoriaeth, lluniau ayb. Bydd gan bob defnyddiwr blygell /home/enwdefnyddiwr ei hun.
	/tmp	Cyfeiriadur sy'n cadw ffeiliau dros dro. Mae ambell i system Linux yn clirio /tmp yn awtomatig, felly paid rhoi ffeiliau rwyt ti am eu cadw yma.
	/usr	Dyma ble mae pethau sydd ddim yn dod o dan /etc a /bin yn cael eu cadw. Pethau fel gêmau, argraffwyr ayb. Mae'r cyfeiriadur yn rhannu yn is-blygellau fel /usr/bin ac /usr/share ayb.
	/opt	Dyma ble mae deunydd opsiynol yn cael ei roi. Er enghraifft, os wnes di ddilyn y cyfarwyddiadau i lwytho XAMPP fe weli di bod ffeiliau'r gweinydd yn cael eu cadw fan hyn dan /opt/lampp.
	/media	Mae Ubuntu'n defnyddio'r cyfeiriadur hwn i lwytho pethau fel gyrriant disg ychwanegol, co' bach usb ayb.

Comments

Yn hytrach na thalu cwmni am weinydd byw sy'n agored i bawb, beth am redeg gweinydd Apache, MySql a php (LAMP) ar dy gyfrifiadur dy hun.

Swnio'n gymhleth? Wel mae'n hawdd yn Ubuntu os wnei di ddefnyddio XAMPP. Fe fyddi di'n dysgu rhai pethau elfennol am ddefnyddio terfynell wrth ddilyn y cyfarwyddiadau syml hyn. Mae cyfarwyddiadau tebyg ar gael yn Saesneg o'r dudalen ble fyddi di'n llwytho'r pecyn XAMPP, ond byddaf yn ychwanegu at rain a'u hesbonio rhag ofn dy fod newydd ddechrau defnyddio Linux. Byddaf hefyd yn esbonio rhai pethau sydd ddim yn y cyfarwyddiadau Saesneg, fel sut i greu lansiwr syml.

Paratoi: Y cam cyntaf yw creu plygell newydd a'i galw'n "gweinydd". Cer i blygell cartref (Mannau-> Plygell Cartref) wedyn creu plygell newydd o'r enw gweinydd (Ffeil->Creu Plygell a theipio gweinydd yn lle plygell dideitl).

Llwytho: Nawr mae angen cael gafael yn XAMPP. Llwytha'r fersiwn Linux (.tar.gz) diweddaraf o fan hyn a'i gadw yn y ffolder rwyt ti newydd greu (gweinydd). Os yw dy borwr yn cadw pethau'n awtomatig rhywle arall symud y pecyn i'r ffolder gweinydd ar ol ei lwytho.

Sefydlu: Agor terfynell a symud i'r ffolder ble rwyt ti wedi cadw'r ffeil .tar.gz. Mae'r gorchymyn cd yn dy symud o un plygell i'r llall, felly os wyt ti wedi dilyn y cyfarwyddiadau uchod bydd teipio'r canlynol mewn terfynell

cd /home/owen/gweinydd a newid owen i dy leoliad di!

yn dy symud i'r ffolder ble mae'r ffeil tar.gz.

Bydd teipio'r canlynol a chyflwyno dy gyfrinair yn dadbacio XAMPP a'i osod ar dy system yn y ffolder /opt/

sudo tar xvfz xampp-linux-1.6.2.tar.gz -C /opt

(Os wyt ti wedi llwytho fersiwn mwy diweddar bydd angen newid y darn 1.6.2 i dy fersiwn di).

Dyna ni! Mae XAMPP wedi ei osod yn y ffolder /opt/lampp

Cychwyn XAMPP: Mae dwy ffordd o gychwyn ac atal XAMPP. Yn gyntaf drwy ddefnyddio terfynell a theipio'r canlynol i'w gychwyn:

sudo /opt/lampp/lampp start

a bydd Apache, MySql a rhaglenni eraill yn cychwyn.

I stopio XAMPP bydd angen teipio'r canlynol, a bydd yn stopio'r prosesau yn eu tro:

sudo /opt/lampp/lampp stop

Neu mae modd creu lansiwr hawdd i'w ddefnyddio sy'n rhoi rheolaeth graffegol dros XAMPP. Mae gwneud hyn yn broses dau gam.

Yn gyntaf agor terfynell a theipio

gedit /home/owen/gweinydd/rheolixampp
(Eto, rhaid newid yr owen i dy enw di)

Gluda'r canlynol i'r ffeil a'i chadw:

[Desktop Entry]
Comment=Start/Stop XAMPP
Name=XAMPP Control Panel
Exec=gksudo "python /opt/lampp/share/xampp-control-panel/xampp-control-panel.py"
Icon[en_CA]=/usr/share/icons/Tango/scalable/devices/network-wired.svg
Encoding=UTF-8
Terminal=false
Name[en_CA]=XAMPP Control Panel
Comment[en_CA]=Start/Stop XAMPP
Type=Application
Icon=/usr/share/icons/Tango/scalable/devices/network-wired.svg

Bydd lansiwr Xampp tebyg i'r un isod yn ymddangos yn /home/xxxx/gweinydd

ac o glicio ddwywaith arno bydd gennyt banel rheoli tebyg i hwn.

Profi XAMPP: I weld os yw XAMPP wedi llwytho cychwyn y rhaglen gyda'r cyfarwyddiadau uchod, wedyn agor dy borwr a theipio:

http://localhost yn y bar cyfeiriad, ac fe ddylet weld rhywbeth fel hyn.

Diogelwch: Mae'n berffaith ddiogel rhedeg XAMPP ar gyfrifiadur Linux. Mae Xampp yn cynnig cyfarwyddiadau diogelwch pellach os wyt ti'n poeni, neu os wyt ti ar gyfrifiadur cyhoeddus, ond does dim angen rhain ar y rhan fwyaf o bobol. Dyw'r arbenigwyr ddim yn argymell y dylet ei redeg fel gweinydd cyhoeddus serch hynny.

Dyw XAMPP ddim yn rhedeg wrth i ti gychwyn Ubuntu, a ti sy'n rheoli pryd mae'n dechrau a stopio.

Bydd cyfarwyddiadau pellach ar sut i ddefnyddio Xampp fan hyn cyn bo hir!

Comments